凡直友里

營業中

休息中

一向都知元朗有好多好野食，但以為大多係茶檔小店之類，點知今日就試咗一間個人覺得幾高質嘅西餐廳。凡直友里位於元朗又新街，設有露天座位。餐廳以木色簡潔裝修，感覺高級舒適，氣氛唔錯，非常適合生日或紀念日慶祝。而呢度嘅菜式擺盤全部都好有心思，打卡一流。而且性價比高，絕對可以媲美酒店級水平。🔸八瓜魚刺身青蘋果沙律- 八瓜魚鮮甜，青蘋果好爽口，沙律菜都好新鮮。伴碟有烤過嘅合桃，好香口，整體配搭好fresh!🔸輕煎Rougie法國鵝肝多士伴焦糖蘋果- 鵝肝比想像中大塊，食落啖啖都係鵝肝嘅香味，外脆內軟，配上焦糖蘋果少少甜好夾唔會好膩，多士都好鬆脆。🔸牛舌芯配田園沙律 - 牛舌好大塊，咬落好嫰有牛味，加咗黑椒燒得好香。🔸輕煎北海道帶子鹹蛋黃意大利飯- 帶子鮮甜又大隻，意大利飯芝士味濃，加咗鹹蛋黃味道更加豐富，飯入面仲有八瓜魚，食落更有口感。