影片
更多
2023-03-19
2688 瀏覽
元朗除咗掃小食之外，朗屏站附近有呢間被openrice評為最優秀元朗屯門開飯餐廳嘅「稚」星期日晏晝嚟到以為要排長龍，點知竟然唔使等位😙專食日式定食，有多款選擇，假日仲有套餐，價錢實惠每個套餐除咗主食，小食，仲有前菜、漬物、煎茶、味噌湯、珍珠飯前菜係中華沙律，好惹味爽口漬物係醃蘿蔔同醃姜片，識落鹹鹹酸酸好開胃味噌湯味道清淡而有味，唔太鹹▶️ 小食小食三選一(唐揚炸雞／蜜糖番薯／日式炸芝士)蜜糖番薯有三細粒🍠應該係炸過嘅外皮少少香脆，入邊就非常熟食落好甜，甜度天然(我估蜜糖番薯係佢個品種而非真係落咗蜜糖)，可以當甜品食作為蕃薯控覺得好好食👍🏻推介揀呢個小食▶️ 西京燒比目魚定食 ($88)成個定食好精緻好豐富，同日本當地食到嘅差唔多🐟西京比目魚份量超足，兩大條咁上食落超有魚油香味，仲帶少少燒焦煙燻味😋肉質食到一片片咁，口感細膩唔鬆散，最好係無細骨(大骨超易起，唔驚哽親)，啖啖都係肉❣️好耐冇食過啲咁好食嘅西京比目魚🥹旁邊有俾配炸物用嘅沙律醬，味道甜甜地，不過個人覺得冇需要點，因為反而會蓋過咗比目魚本身嘅味道🍚飯係日本珍珠米，上面灑上飯素，感覺缺乏咗少少飯香味，但係餸比目魚同漬物食就OK▶️ 招牌蒲
星期日晏晝嚟到以為要排長龍，點知竟然唔使等位😙
專食日式定食，有多款選擇，假日仲有套餐，價錢實惠
每個套餐除咗主食，小食，仲有前菜、漬物、煎茶、味噌湯、珍珠飯
前菜係中華沙律，好惹味爽口
漬物係醃蘿蔔同醃姜片，識落鹹鹹酸酸好開胃
味噌湯味道清淡而有味，唔太鹹
▶️ 小食
小食三選一(唐揚炸雞／蜜糖番薯／日式炸芝士)
蜜糖番薯有三細粒🍠應該係炸過嘅
外皮少少香脆，入邊就非常熟
食落好甜，甜度天然(我估蜜糖番薯係佢個品種而非真係落咗蜜糖)，可以當甜品食
作為蕃薯控覺得好好食👍🏻推介揀呢個小食
蜜糖番薯
108 瀏覽
0 讚好
0 留言
▶️ 西京燒比目魚定食 ($88)
成個定食好精緻好豐富，同日本當地食到嘅差唔多
西京燒比目魚定食
$88
48 瀏覽
0 讚好
0 留言
🐟西京比目魚份量超足，兩大條咁上
食落超有魚油香味，仲帶少少燒焦煙燻味😋肉質食到一片片咁，口感細膩唔鬆散，最好係無細骨(大骨超易起，唔驚哽親)，啖啖都係肉❣️
好耐冇食過啲咁好食嘅西京比目魚🥹
旁邊有俾配炸物用嘅沙律醬，味道甜甜地，不過個人覺得冇需要點，因為反而會蓋過咗比目魚本身嘅味道
🍚飯係日本珍珠米，上面灑上飯素，感覺缺乏咗少少飯香味，但係餸比目魚同漬物食就OK
▶️ 招牌蒲燒鰻魚定食 ($82)
條鰻魚都幾大條，燒得好靚仔
肉質黏黏地，蒲燒汁味道濃郁
雖然有少少幼骨，但唔會覺得吞落唔舒服
招牌蒲燒鰻魚定食
$82
30 瀏覽
0 讚好
0 留言
-
絕對係高質嘅日本菜🤯食得到起日本嘅嗰種味道，主食燒得好有水準
不過大家預咗佢烹調嘅時間會耐少少，我個比目魚等咗15-20分鐘左右(絕對值得等)
服務都ok嘅，見侍應會俾攬仔客人放袋 (雖然佢唔記得問我哋🥺)
繁忙時間會限時60分鐘，但今日我哋坐耐咗都冇人趕
環境可能細啲，入面得兩張二人枱同兩張四人枱，不過坐落舒服嘅
牆上會有啲動漫嘅畫同拼圖，幾有日系feel
性價比超高，仲要冇加一❗️呢個價錢食到呢個份量同質素完全係難以置信，如果屋企附近有間，一定變我飯堂～
張貼
