小曼谷泰國美食 (教育路) (已結業)

每到放假就會走到屋企附近嘅「小曼谷泰國菜館」食午餐，餐牌上面有大約二三十款套餐選擇，價錢亦都好合理。泰式鮮蝦炒金邊粉$60雖然係套餐但係份量也不少，鮮蝦大約有三至四隻，每隻都好鮮甜爽口，炒得好有鑊氣。酸辣鳳爪（+$29）無骨鳳爪大約有六至八隻，加入了大量芹菜同洋蔥🧅酸酸甜甜好開胃。串燒（+29）豬肉同雞肉各一串，燒得好香口惹味，加入了特製泰式沙嗲醬，味道更加提升。泰式生蝦刺身 $111生蝦刺身每隻都好新鮮厚肉，每次食泰國菜必點的菜式，沾上泰色辣醬一齊食，好食到停唔到口。珍多冰$36甜度適中，椰汁味清香，啫喱顏色七彩繽紛好爽口。