Overlap Coffee

營業中

休息中

響形點行街行到有D餓，眼看場內都係一D連鎖食店，於是上openrice探索附近一些口碑好又獨特嘅食店，搵到呢間評價高既CAFE，沿商場天橋行落去大概５分鐘就見到。Overlap Coffee裝潢以白色為主，開揚既落地玻璃設計，一眼望過去，整間食店既陳列已經盡入眼簾，同店內售賣既食品及產品貫徹著同一理念，簡單得黎幾精緻。單品豆Ethiopia (Fruity)，OAT Milk＄62單品咖啡絕對係Overlap Coffee既特式主打，今日選左杯來自ethiopia既MOCHA，除了飲到咖啡豆天然果香風味外，咖啡同朱古力既比例好好，口感清爽，轉用燕麥奶後，多帶左份柔和既甜味。混合穀物片配新鮮生果乳酪碗＄72平時如果單獨食穀物片同乳酪，本身係幾單調，然而２者混合黎食，好夾架喎！加埋新鮮水果，簡直係絕配，係１味非常健康可口既美食。開心果軟心巴斯克芝士蛋糕＄68口感濕潤綿密，入口即化。焦香既表面，灑上開心果仁碎，層次豐富，鍾意食巴斯克嘅一定要試吓喔。Grapefruit Ice Tea ＄42聞到西柚香味，食到果肉，飲落好清爽，味道微酸帶甜，好好飲，同巴斯克芝士蛋糕配，好夾。