寿司の神 (已結業)

壽司之神係元朗最早開Omakase 個批今次黎試下Lunch 特上Omakase $780🌟🌟🌟前菜🌟🌟🌟🔸胡麻沙律🔸水雲醋物酸酸味味，好開胃🔸白飯魚茶碗蒸魚味好香，蛋味濃又滑捋捋🌟🌟🌟刺身四品🌟🌟🌟🔸長崎蠔蠔邊好爽口，金屬味比較重，加埋蒜汁帶出蠔鮮味🔸櫻鱒係櫻花季節先會有，味道較濃，較三文魚滑身，油脂感亦較一般三文魚薄🔸松葉蟹蓉好鮮甜，海水鮮味湧出黎🔸北海道銀雪魚輕輕燒左個面，帶出皮下脂肪油花感，有少少入口即溶感🌟🌟🌟料理一品🌟🌟🌟🔸汁煮吞拿魚鮫入口好滑嫩，個汁甜甜地好入味🌟🌟🌟壽司八貫🌟🌟🌟🔸北海道帆立貝落左岩鹽同柚子皮點綴，柚子味直衝出黎，跟住就有少少鹹味帶出刺身既鮮甜🔸日本金線鯛外皮會先輕輕燙熟，口感好特別🔸吞拿魚赤身魚味非常濃，醬油漬過帶點酸，多個層次感🔸中拖羅油分感較重，口感較淋身🔸大拖羅做左熟成，筋位較淋身，油脂感爆發，好鮮味🔸鰹魚魚味濃，皮燒後更加香，口感獨特🔸甜蝦配上自製蝦膏醬油，用蝦頭蝦膏蝦殼熬製，食落有龍蝦味道，蝦爽口又彈牙！🔸右口魚邊油分重，肉較淋，燒後包紫菜配搭埋蔥，入口即時溶化，超好食😆🌟🌟🌟雲丹盛🌟🌟🌟馬糞赤海膽好鮮甜，三文魚籽自家醃製，粒粒晶瑩剔透🌟🌟🌟