影片
更多
2022-04-02
43 瀏覽
搬左黎大西北差唔多有兩年，耐不耐就會聽到身邊嘅人提起呢間「爆辣冷麵」。「爆辣冷麵」搬左新鋪都差唔多一年，亦多左好多新菜式，試過之後亦都對部分食物念念不忘。本人都幾喜歡食辣，但每個人對於辣嘅定義都唔同，呢度嘅辣度有分七個，分別係唔辣／蚊仔辣／小／中／大／ 爆／爆爆爆，入門級「蚊仔辣」對於我黎講係剛剛好，有辣味，但又唔會好辣，係令我enjoy果一種level，所以有得揀辣度嘅食物我都揀左「蚊仔辣」。爆多蟹籽冷麵：網上見到呢款冷麵日賣超過100盒，係鋪頭招牌菜之一，我次次黎到都要叫架。冷麵加入蒜蓉同辣醬後，上面再鋪上海量嘅蟹籽，完全係可以用「橙海」黎形容，麵嘅分量都幾多，食落煙韌，每條麵都沾到蟹籽架，以＄40黎講絕對係超值。蚊仔辣入口微辣，麵條食落彈牙，微辣嘅麵配上鮮甜嘅蟹籽，有口感得黎仲非常惹味。爆炒烏冬：烏冬比麵條更有口感，配埋醬汁同海量蟹籽，真係令人一口一口咁食過不停，賽磅蟹杯麵 ：杯麵係用一個台式飲品杯做容器，底層放冷麵，上面再加入用蛋白，奶同蟹柳整成嘅賽磅蟹，再鋪上少量粟米，蟹柳、青瓜絲，紫菜同蟹籽整成，冷麵汁味道非常香濃，一路食一路睇電視，真係好有食杯麵嘅感覺。袋裝撈麵：相信袋裝
「爆辣冷麵」搬左新鋪都差唔多一年，亦多左好多新菜式，試過之後亦都對部分食物念念不忘。本人都幾喜歡食辣，但每個人對於辣嘅定義都唔同，呢度嘅辣度有分七個，分別係唔辣／蚊仔辣／小／中／大／ 爆／爆爆爆，入門級「蚊仔辣」對於我黎講係剛剛好，有辣味，但又唔會好辣，係令我enjoy果一種level，所以有得揀辣度嘅食物我都揀左「蚊仔辣」。
爆多蟹籽冷麵：網上見到呢款冷麵日賣超過100盒，係鋪頭招牌菜之一，我次次黎到都要叫架。
冷麵加入蒜蓉同辣醬後，上面再鋪上海量嘅蟹籽，完全係可以用「橙海」黎形容，麵嘅分量都幾多，食落煙韌，每條麵都沾到蟹籽架，以＄40黎講絕對係超值。
蚊仔辣入口微辣，麵條食落彈牙，微辣嘅麵配上鮮甜嘅蟹籽，有口感得黎仲非常惹味。
爆炒烏冬：烏冬比麵條更有口感，配埋醬汁同海量蟹籽，真係令人一口一口咁食過不停，
賽磅蟹杯麵 ：杯麵係用一個台式飲品杯做容器，底層放冷麵，上面再加入用蛋白，奶同蟹柳整成嘅賽磅蟹，再鋪上少量粟米，蟹柳、青瓜絲，紫菜同蟹籽整成，冷麵汁味道非常香濃，一路食一路睇電視，真係好有食杯麵嘅感覺。
袋裝撈麵：
相信袋裝撈麵係唔少人學生年代嘅回憶，細個放學後去旺中同葵芳都成日會食到，不過近年呢d 鋪頭就越來越少啦。
冷麵加入蟹籽同秘製辣汁撈埋一齊食，鍾意嘅仲可以加入自選配料，好似腸仔、蟹柳、魚片、中華沙律、粟米等等。以＄18/4包黎講，份量都算幾多，都算抵食，食落非常爽口，真係令到人食到唔停口。
爆辣雞軟骨：
雞軟骨用左秘製生蒜油炒，雖然係咁，但係食落唔會好油，每粒都有陣陣蒜香味，鹹度恰到好處，雞軟骨亦都好爽脆，幾有咬口，真係好好味。
爆辣炒飯 ：炒飯即叫即製，所以要等一陣，份量比想像中多，配料除左有大量蟹子之外，仲有有帶子裙邊、火腿、粟米、腸仔、螺肉、蟹籽、蛋、魷魚同蟹柳，再加入紫菜絲做裝飾，炒飯都幾有鑊氣，飯粒粒分明，入口微辣，食落相當開胃。
蟹籽沙律 ：
之前試過呢個沙律後對佢念念不忘，呢個蟹籽沙律配料有蟹籽、青瓜絲、帶子裙邊、粟米粒，蟹柳絲同紫菜碎，再加入沙律醬撈勻整成。由於要keep fit唔想食過多沙律醬，所以都特登叫店員少醬，少醬之後食起黎都好清新爽口，食完辣野再食呢個沙律簡直為我地嘅晚餐劃上完美句號。
生蒜油：
店鋪有自家製嘅生蒜油賣，可以揀辣或唔辣，食過佢地出品後，又點可以唔試下呢？用黎煮餸醃肉就最好不過了。
張貼
