富東閣海鮮酒家

營業中

休息中

1月1日，起身唔知食乜好，諗諗吓不如飲個茶，食飽啲當埋中午。富東閣向到保持水準，所以都唔使諗，直接就去富東閣。11:30去到，唔使點等位，好快就有得坐。兩個人，點咗個點心拼盤。（見圖）$98 ，有六款點心，每款有兩舊。兩個人食其實都OK嘅。但係抵唔抵就見仁見智。因為分開點，每款都會數量多返啲。另外重點咗腸粉雙拼，蝦腸拼叉燒腸。味道係OK嘅。但係就有啲凍。整體質素係OK，想飲茶仍然會再去。