影片
更多
2021-11-12
1974 瀏覽
米芝連二星餐廳，環境佈置好優雅，但又唔會好老土，當日見在場食客都不乏年輕一族😂星期日突然好想食點心，咁岩人又係中環，不如就去試下！啲點心做到好好精緻，望落份量唔多，食完係勁飽嘅！😆XO醬脆煎腸粉($88)呢個應該係今餐茶最最最好食嘅點心！將腸粉煎到外脆內軟。外層好脆好有咬口，但入面重係滑嘟嘟，層層分明，加埋XO醬係超好食！我哋係叫左2碟食🙈香蔥澳洲M9和牛千絲酥($87)🐮用一個小手袋造型出場非常別緻，外層酥皮充滿牛油香同埋夠薄，但係咬落去啲碎唔會飛到周圍係，入邊嘅牛肉好香濃非常好味！烤芝士鮮蝦春卷($78)🦐🧀春卷很脆口，放耍左都無淋左，蝦味好香濃鮑魚雞粒酥($78)🐥鮑魚煨到岩岩好，食落好彈牙，雞肉入味而且好滑，個撻皮好鬆化，加埋個汁係好好食。彩蔬竹笙上素粉果($78)🌱粉果正常發揮同出邊冇乜分別香茜鮮蝦餃($87)🦐呢個比較淡口，食得太多煎炸野，食呢個有種清新嘅感覺脆香貴妃雞 ($290半隻)🐣金黃色嘅雞皮好香脆但不油膩，而雞胸同其他部份都做到嫩滑多汁，一個大廚嘅功架完全可以係一個菜式到顯現出來！芹香鮮蝦芝麻筒($78)🦐煎得好香，上面大量芝麻，帶出呢個本身嘅香味，包係入面蝦膠都
星期日突然好想食點心，咁岩人又係中環，不如就去試下！啲點心做到好好精緻，望落份量唔多，食完係勁飽嘅！😆
XO醬脆煎腸粉($88)
呢個應該係今餐茶最最最好食嘅點心！將腸粉煎到外脆內軟。外層好脆好有咬口，但入面重係滑嘟嘟，層層分明，加埋XO醬係超好食！我哋係叫左2碟食🙈
香蔥澳洲M9和牛千絲酥($87)🐮
用一個小手袋造型出場非常別緻，外層酥皮充滿牛油香同埋夠薄，但係咬落去啲碎唔會飛到周圍係，入邊嘅牛肉好香濃非常好味！
烤芝士鮮蝦春卷($78)🦐🧀
春卷很脆口，放耍左都無淋左，蝦味好香濃
鮑魚雞粒酥($78)🐥
鮑魚煨到岩岩好，食落好彈牙，雞肉入味而且好滑，個撻皮好鬆化，加埋個汁係好好食。
彩蔬竹笙上素粉果($78)🌱
粉果正常發揮同出邊冇乜分別
香茜鮮蝦餃($87)🦐
呢個比較淡口，食得太多煎炸野，食呢個有種清新嘅感覺
脆香貴妃雞 ($290半隻)🐣
金黃色嘅雞皮好香脆但不油膩，而雞胸同其他部份都做到嫩滑多汁，一個大廚嘅功架完全可以係一個菜式到顯現出來！
芹香鮮蝦芝麻筒($78)🦐
煎得好香，上面大量芝麻，帶出呢個本身嘅香味，包係入面蝦膠都好彈牙。
蒜香帶子菜苗餃($87)🌱
蒜頭味唔太犀利，帶子新鮮，算係健康之選😂
上湯竹笙松茸灌湯餃($118)🍲
湯底好鮮甜，而且灌湯餃入面好足料，餃入面仲有湯汁添！
瑤柱花菇滑燒賣($87)🍄
燒賣大大粒，得出係用料新鮮，同埋係爽口彈牙。
潮式韮菜雞粒粿🐥
懷舊點心，好足料，好食
香芒奶皇糯米糍($54)
芒果🥭味好香濃，一粒一口，方便食！
蜜餞迷你脆麻花($54)
脆麻花非常之鬆脆，配上蜜糖🍯，甜甜地脆脆地，口感勁好
推薦？🟡🟡🟡⚪️⚪️，用料新鮮好食😋。飲茶來講價錢的確比較貴💰。如果真係嚟食一定要食XO醬炒腸粉！
張貼
