影片
更多
2022-03-13
819 瀏覽
朋友話想食Ninety好耐，但每次Lunch Time經過都好多人要等位。是日又黎到Yoho Mall，話晒呢排疫情下商場少左人，就黎睇下會唔會唔使等啦。雖然已經兩點，但店內依然人氣旺，約八成滿座，店員安排左我地坐後排嘅高枱，呢個位有陽光又有景幾好坐喎。食物選擇不少，一時間都唔知揀咩好，最後決定點Brunch Board 4 Sides，貪佢有無限添加麵包或白飯。店內用Qr code落單，個介面好清晰易用，慢慢揀完四樣配菜再點飲品，搞掂～等左一陣飲品就到了，朋友點了熱的Cappuccino，選的是Choco blend同Whole milk，咖啡控的朋友讚不絕口，啡香奶滑，味覺與視覺都無可挑剔，價位同連鎖店相約，品質卻好上萬倍，朋友話一定會因為杯啡再訪呢。自己就點左Apricot houjicha，一斟出黎已經聞到好香，茶香加上果香，飲落味道輕柔順滑，雖然香氣濃郁但一點都不膩，香味留在口腔中久久不散。欣賞完飲品後食物也到了，先上的是自己那份，揀了Homemade salmon rillettes，Black truffle scrambled eggs，Mushrooms salad，
雖然已經兩點，但店內依然人氣旺，約八成滿座，店員安排左我地坐後排嘅高枱，呢個位有陽光又有景幾好坐喎。
食物選擇不少，一時間都唔知揀咩好，最後決定點Brunch Board 4 Sides，貪佢有無限添加麵包或白飯。店內用Qr code落單，個介面好清晰易用，慢慢揀完四樣配菜再點飲品，搞掂～
等左一陣飲品就到了，朋友點了熱的Cappuccino，選的是Choco blend同Whole milk，咖啡控的朋友讚不絕口，啡香奶滑，味覺與視覺都無可挑剔，價位同連鎖店相約，品質卻好上萬倍，朋友話一定會因為杯啡再訪呢。
自己就點左Apricot houjicha，一斟出黎已經聞到好香，茶香加上果香，飲落味道輕柔順滑，雖然香氣濃郁但一點都不膩，香味留在口腔中久久不散。
欣賞完飲品後食物也到了，先上的是自己那份，揀了Homemade salmon rillettes，Black truffle scrambled eggs，Mushrooms salad，Cauliflower， Rice w/ Crispy Japanese bacon topping，顔色亮麗好吸睛，賣相精緻。
三文魚蓉肥美鮮味，不用加調味已十分好味。黑松露蛋又滑又香，嫩嫩的蛋汁勁正，雜菌沙律菌味香濃，雖然叫沙律但唔酸的，係雜菇涼菜。仲有燒椰菜花都好香㗎，有炭烤味。每一味都無過份調味，食到食材的原味，真係好好味。
唯一敗筆在白飯上，餐牌寫用越光米，但口感太淋太水，失去了飯香，呢個有點失望。
朋友點的隨後也到了，揀了Sous vide cha siu，Sakura shrimp & crab fat scrambled eggs，Grilled miso eggplant，Granola greek yogurt，主食則揀了麵包，有肉有蛋仲有埋甜品，好豐富呀！
叉燒係呢度招牌物之一，當然唔同於燒味檔嘅叉燒啦，入口鬆化帶啖啖肉油甘香，味道不過甜仲有酒香，perfect～櫻花蝦滑蛋超嫩滑，有蝦乾的鮮味鹹香，味噌茄子軟腍入味，簡單又好食。
麵包有四款口味可選，先試Lemon danish loaf bread同Mixed seed ww bread，前者有淡淡的檸檬香，雖然烘過但仍鬆軟，意外地唔係甜包黎。後者有果仁香味，同樣鬆軟，個人覺得兩款口感差不多。之後再refill左Chocolate danish loaf bread同Sourdough，朱古力都好香喎，同樣都唔係甜包黎，同上面的“餸”係夾㗎。最後試埋酸麵包，又真係帶酸味喎，但好輕微而已，口感比較紮實，都好好食，四款中個人最愛檸檬味。啲麵包真係超正，可惜胃袋空間有限，好想再添一輪麵包，配咖啡或茶都勁啱撘。
張貼
