有樂燒味

營業中

休息中

位置相對闢靜，但似乎亦不乏支持者。見多種燒味嘅外觀好似都唔錯，試咗叉燒、燒肉、同燒鵝。 叉燒要半肥瘦。 表面微微焦香，肉質非常鮮嫩，製作叉燒所用嘅肉質應該相當唔錯。 有趣係老闆雖然相對後生，但係叉燒上面會好傳統地淋上咸中帶少少蜜糖甜味嘅燒味汁。燒鵝皮燒得香脆，肉質嫩滑而帶一種鵝肉嘅微微粉紅色。 鵝肉鮮味，有少少肥，味道唔錯。燒肉偏瘦不過唔嚡，燒肉皮鬆脆可口。本來仲想試埋炸乳鴿，可惜嚟得太早要晏啲先有。 下次要揀啱時間嚟試埋佢。