影片
更多
2021-05-16
1924 瀏覽
上星期五一行四人去咗食，因為當日早上才決定去，所以冇得訂座，唯有Walk in。大約6:45到達，但係已經好多人喺埋度排緊等緊枱，咁我哋都照攞飛，等咗大約30分鐘就被安排入座（算OK啦星期五）老實講，今次嚟嘅主要原因係因為上次同朋友食晏晝嘅時候餐廳送咗coupon俾我哋（食$300減$100 ），所以今次約多兩個朋友一齊過嚟食。食物方面其實係唔錯嘅，個人覺得佢比坊間其他上海菜算是中上，而且價錢都算合理今次我哋叫咗以下嘅食物：上海小籠包醉雞砂鍋雲吞雞毛豆百葉蟹粉蝦仁小黃魚三條上海粗炒到甜品嘅時候，因為有女士想食酒釀湯圓，店員話會幫我哋安排不另外收費(抵讚👍)到差唔多埋單嘅時候，我哋叫店員攞張單俾我哋睇，睇吓可以用到幾多張coupon，而當日嘅經理（阿傑）亦非常有耐性及建議我哋可以叫多少少再用多一張coupon，變相我哋可以食多少少野但係再優惠左今時今日呢一種以客為先嘅服務態度，本人覺得非常值得表揚
大約6:45到達，但係已經好多人喺埋度排緊等緊枱，咁我哋都照攞飛，等咗大約30分鐘就被安排入座（算OK啦星期五）
老實講，今次嚟嘅主要原因係因為上次同朋友食晏晝嘅時候餐廳送咗coupon俾我哋（食$300減$100 ），所以今次約多兩個朋友一齊過嚟食。
食物方面其實係唔錯嘅，個人覺得佢比坊間其他上海菜算是中上，而且價錢都算合理
今次我哋叫咗以下嘅食物：
上海小籠包
醉雞
砂鍋雲吞雞
毛豆百葉
蟹粉蝦仁
小黃魚三條
上海粗炒
到甜品嘅時候，因為有女士想食酒釀湯圓，店員話會幫我哋安排不另外收費(抵讚👍)
到差唔多埋單嘅時候，我哋叫店員攞張單俾我哋睇，睇吓可以用到幾多張coupon，而當日嘅經理（阿傑）亦非常有耐性及建議我哋可以叫多少少再用多一張coupon，變相我哋可以食多少少野但係再優惠左
今時今日呢一種以客為先嘅服務態度，本人覺得非常值得表揚
張貼
