牛角日本燒肉專門店 (元朗廣場)

營業中

休息中

今日星期六放假，家人午餐突然想食燒肉，咁當然係揀元朗廣場的牛角，因為一向都有幫襯開，而且本身都係會員。到達牛角等咗大約10分鐘就有位，我同家人各揀咗個假日午市定食，另外再加咗啲配菜，同時亦用埋會員優惠，消費滿400可以免費換領“特選燒肉六品盛合。先講2個午市定食，一款主要係美國安格斯牛，另一款就加有美國及日本和牛。美國牛整體OK, 而2款和牛就當然肉質較為嫩。至於六品盛合，雖然並非任何高質牛肉，但各有牛，豬及雞肉在內，其實亦十分豐富。整體牛角的食品優質，而餐廳環境舒適，侍應服務尚算令人滿意，家人及我愉快地享受一餐豐富的日式燒肉。