2+2 Café (已結業)

第一次食宵夜Buffet，有優惠券75折咁就去試下啦!準時10點就入座，坐落都幾寬落舒適，冷氣溫度適中!老實講自助餐係香港來說已經係無咩特別，除非有什麼特別主題，否則好多酒店自助餐已經大同小異!今餐都唔例外，普通!可能食左少少野，唔太肚餓，我就無咩出去攞野食，相反朋友未坐低就係咁攞野食!凍食方面，三文魚刺身叫左幾次都肥美，值得一讚，每人每次只限4片!生蠔我未食過咁細隻，新鮮程序ok啦，每人每次只限3隻，蠔已預先開左，有師傅專沖洗蠔殼內沙石，先比客人食用，所以食落去無咩沙，幾好喔!壽司就麻麻地，而且選擇不多，沙律都ok!熱食方面，有牛排，湯麵，魚，炒飯等，不過我都無食，我只食左炸蟹餅，豬柳同炒芥蘭，都係一般普通，豬柳剛剛煎起薄身幾好味!湯方面2種，飲左椰子雞湯，好濃既椰味，湯算”傑”身，都可以!而甜品有豆腐花，夾餅，6款左右既蛋糕等，不過我都無食，只係食左4球雪糕，以朱古力係最好味，好香滑，其次係士多啤梨味，紅莓味最唔好食!最後水果得3款，西瓜，哈蜜瓜同菠蘿，唔係好新鮮!不過有優惠價錢合理算ok啦!