亞金南洋茶室 (黃大仙中心南館) (已結業)

下午茶時間見餐廳入面唔算太多人，又有個$20優惠下午茶餐，就同男友試吓。海南雞飯：下午茶份量都有一大碗，雞胸多，都有一隻雞翼，三個醬汁好正，特別係個酸辣醬，帶少少甜；薑蓉點雞都好正。另外碗湯有少少冬瓜，唔重味精味。鮮油咖央多士：咖央多士配杯嘢飲真係幾平，切開有四件。上碟時仲係暖暖的，入面塊牛油都算幾大塊，咬落口真係即溶化，一個字「正」👍🏼餐飲：叫咗凍檸茶同熱檸水，都係跟餐。整體嚟講食物質素方面算不過不失，可以一試。