君怡酒店咖啡屋 (裝修中)

二百零蚊嘅自助餐確實係香港好難搵，而佢真係有廣告上噱頭嘅麵包蟹和長腳蟹腳等類型嘅吸引食物供應，在6:30pm開始時上述兩款食品確實準備充足，但經一輪搶食之後，7：30pm已停止補貨，其他可選擇嘅熱食不多，但味道都算不錯，飯麵完全欠奉，甜品和雪糕一般。最搞笑嘅係廚師係走出嚟唔係睇下有咩食品要補充，而係去睇每台仲有冇食緊嘢，又話睇下係咪食緊甜品等收工。 我跟朋友忍唔住係8:15pm先跟侍應反映，佢就好禮貌咁回應話廚師 準備緊補充，但足足等咗15分鐘都係冇反應，又再忍唔住向經理反映，今次就用咗五分鐘就攞多6隻麵包蟹出嚟咁多應酬咗就算喇！食自助餐要食到要叫先有。仲要唧牙膏咁樣做，真係好少見。另外，全場熱到冇人有，唔知係咪第二策略，仲有見到一個伏係飲品櫃！ 見到有一家三口個位爸爸唔小心攞咗一罐開咗飲，侍應就話畀佢聽規矩係要全家受靶每位28蚊任唔任服務，最搞笑嗰啲係3、4蚊罐嘅韓國品牌飲品。