雲南啊老表黑山羊湯鍋米綫 (觀塘工業中心) (已搬遷) 新店位置

行過見店面貼上一大幅黑山羊海報, 唔使講都知道呢度嘅主打就係黑山羊啦。位於觀塘嘅雲南阿老表黑羊湯鍋米綫, 店舖地理位置非常好, 由地鐵站D4出口落樓梯後行幾分鐘就到。羊肉細碗$45 (特色清湯)羊肉煮得夠腍, 唔會太韌。雖然揀咗清湯, 但湯底調味都幾重。揀細碗, 肉量唔算太多, 但米線份量都唔少, 一般女生已經夠食。涼拌土豆絲$18整碟土豆絲均勻地拌上麻辣醬油, 油分不少喔。土豆絲輕輕炒熟, 保持爽口。飲品冷熱同價, 跟餐 +$7有杯凍檸茶。 一碗米線, 一個小食, 再加杯嘢飲, 埋單都只係70蚊左右, 價錢夠親民。