影片
更多
2021-04-08
1413 瀏覽
一連幾日假期香港多處旅遊區淪陷，西貢當然唔例外，今晚想食泰國菜，所以無懼千軍萬馬都要嚟到，落單前職員都有提醒外賣最少等半小時以上，不過最後足足等咗一個鐘先拎到 🥲 呢間泰國菜以西貢呢啲遊客區嚟講定價都算合理，加上勝在就腳，味道唔錯，所以每日都keep住好多客人。叫咗炸蝦餅、串燒、馬拉盞炒芥蘭、菠蘿炒飯、泰式金邊粉，埋單都只係 $292 蚊，重要係西貢呢啲旅遊區就食到非常超值。炸蝦餅 ($68) : 好似縮咗水，依稀記得之前都無咁細嚿，不過味道依舊都係咁香脆可口。馬拉盞炒芥蘭 ($63) : 每次堂食泰國菜都必定會叫，因為夠獲氣又惹味，不過外賣同堂食始終係差少少，今次外賣嫌佢水多咗少少，所以味道淡咗啲。菠蘿炒飯 ($58) : 非常抵食之選，配料應該都同其他餐廳差不多都係果啲肉鬆、提子乾、雜豆粒咁上下，但有啲地方叫呢個都要 $70 至 $90 蚊，但呢度只係 $58 蚊就食到，而且味道重唔差，經濟飽肚之選。👍🏻泰式炒金邊粉 ($68) : 金邊粉份量幾多，而且落足料打爆哂成盒 (密質質既感覺)，金邊粉炒得唔太濕亦唔太乾 👍🏻 味道甜甜酸酸相當醒胃，食果時再加啲青檸汁更滋味。
叫咗炸蝦餅、串燒、馬拉盞炒芥蘭、菠蘿炒飯、泰式金邊粉，埋單都只係 $292 蚊，重要係西貢呢啲旅遊區就食到非常超值。
炸蝦餅 ($68) : 好似縮咗水，依稀記得之前都無咁細嚿，不過味道依舊都係咁香脆可口。
馬拉盞炒芥蘭 ($63) : 每次堂食泰國菜都必定會叫，因為夠獲氣又惹味，不過外賣同堂食始終係差少少，今次外賣嫌佢水多咗少少，所以味道淡咗啲。
菠蘿炒飯 ($58) : 非常抵食之選，配料應該都同其他餐廳差不多都係果啲肉鬆、提子乾、雜豆粒咁上下，但有啲地方叫呢個都要 $70 至 $90 蚊，但呢度只係 $58 蚊就食到，而且味道重唔差，經濟飽肚之選。👍🏻
泰式炒金邊粉 ($68) : 金邊粉份量幾多，而且落足料打爆哂成盒 (密質質既感覺)，金邊粉炒得唔太濕亦唔太乾 👍🏻 味道甜甜酸酸相當醒胃，食果時再加啲青檸汁更滋味。
張貼
