檸檬冰室 (汝州街)

營業中

休息中

陪朋友去深水埗買電腦配件，行經汝州街見到一間招牌燈光好明亮，是港式茶餐廳叫檸檬冰室，餐廳裝潢以 檸檬黃色做主色，所以室內特別光猛，再望下餐牌，價錢大眾化，我同朋友都想試吓！鮮茄菠蘿焗厚豬扒飯，即叫即焗，上檯熱辣辣，香噴噴，豬扒被濃厚的番茄醬料包裏着，焗至金黃焦香，番茄醬汁、鬆嫩豬扒、香甜菠蘿及粒粒分明的黃金炒飯，絕對係美味的最佳配搭。豬扒已經切件，肉汁勁香濃，加配菠蘿增加甜度。秘製無骨海南雞飯配香茅飯，無骨海南雞肉質非常嫩滑，雞皮爽口。香茅飯粒粒分明，帶著微微的香氣和淡淡的鹹味。雪糕紅豆冰好大杯，採用靚紅豆同雲呢拿雪糕炮製嘅雪糕紅豆冰，紅豆帶點起沙的口感，味道清甜，配著雪糕更香滑。華田紅豆冰沙冰，幼滑嘅華田沙冰＋大大粒紅豆，啖啖都超冰涼兼有香甜味。公司三文治份量十足，餡料超豐富，午餐肉、火腿、滑蛋、蕃茄、生菜、芝士等，配上經烘烤的麵包，多重口感，滋味無窮。