影片
更多
2017-06-25
428 瀏覽
約咗朋友喺大本營行街，行完之後喺個商場度搵嘢食。行到最頂見到間叫做十勝牛嘅日本嘢，睇餐牌啲價錢都幾平民，所以就入咗去食喇。侍應帶咗我哋去最入面嘅位，一間房入面得四五張枱，但一入到去就覺得焗咗啲，有其他食客覺得熱就自己較大d冷氣，但較完又太凍喎，所以都係坐出面會好啲。 好喇，講返啲食物先，叫咗一個蟹子炒飯同埋日式牛肉火鍋。蟹子炒飯嚟先嘅，炒飯個樣同味道都唔錯，份量亦充足。跟住就黎個牛肉火鍋喇，火鍋送一杯嘢飲同兩件壽司，嘢飲係指定嘅，是日係西瓜汁。壽司就揀咗三文魚壽司，三文魚夠新鮮呀！個火鍋賣相都幾靚，有個木桶裝住啲配料。木桶入面主要都係蔬菜，真係好多菜！ 另外肥牛另上， 啲肥牛唔錯呀，好好味！比平時啲連鎖快餐店嘅火鍋肥牛仲要好！得幾塊真係唔係好夠喉 失望嘅就係個爐，個火太弱，啲湯好似等極都唔滾，真係好慢呀！ 可以的話應該要改善一下！
侍應帶咗我哋去最入面嘅位，一間房入面得四五張枱，但一入到去就覺得焗咗啲，有其他食客覺得熱就自己較大d冷氣，但較完又太凍喎，所以都係坐出面會好啲。
好喇，講返啲食物先，叫咗一個蟹子炒飯同埋日式牛肉火鍋。蟹子炒飯嚟先嘅，炒飯個樣同味道都唔錯，份量亦充足。
跟住就黎個牛肉火鍋喇，火鍋送一杯嘢飲同兩件壽司，嘢飲係指定嘅，是日係西瓜汁。壽司就揀咗三文魚壽司，三文魚夠新鮮呀！個火鍋賣相都幾靚，有個木桶裝住啲配料。木桶入面主要都係蔬菜，真係好多菜！ 另外肥牛另上， 啲肥牛唔錯呀，好好味！比平時啲連鎖快餐店嘅火鍋肥牛仲要好！得幾塊真係唔係好夠喉 失望嘅就係個爐，個火太弱，啲湯好似等極都唔滾，真係好慢呀！ 可以的話應該要改善一下！
張貼
