幸福鳥 (K11購物藝術館)

營業中

休息中

好耐無食過日式串燒，朋友介紹依間位於K11內嘅串燒店，午市價錢亦合理，就決定簡依間試試。叫左幸福串燒六盛合，女仔一個人食都飽肚，溫泉蛋仲可以拌飯食，但青瓜只係普通生青瓜而唔係漬物，有d失望。串燒左起分別有雞肉長蔥燒、雞髀肉燒、免治軟骨雞肉串、雞手羽先、秋葵同大蘑菇。味道主要靠燒汁，而個汁亦好惹味。每串嘅味道都好平均，不過不失。雞肉串燒得岩岩好，肉質嫩滑，而雞翼皮都燒得香脆。雖然未到十分驚艷，但以依個價錢黎講水準係絕對接受，加上環境寬敞，想同朋友lunch time食幾串日式串燒嘅話，會係唔錯嘅選擇。