影片
更多
2018-11-04
448 瀏覽
今日放咗工同一班朋友去左但馬屋到試佢嘅邊爐， 之前喺網上面已經見好多人話要等好耐 今日去試都真係好多人排隊 等咗大半個鐘終於可以入座 所以建議如果想去食嘅朋友可以喺gulu度攞咗飛先。 其實但馬屋個環境都尚算可以。不過等位嘅朋友一定要企喺出面等佢係完全冇任何櫈可以提供畀客人坐。先講一講個湯底先今次我叫做一個冬陰公湯底一個意式芝士蕃茄湯底同一個美人湯底 冬陰功湯底係今期最新嘅湯底。 凡叫咗呢個湯底，而惠顧價錢超過$199嘅客人，都可以獲贈一支isee isee 芒果西米雪條。先講一講冬陰公湯底先， 個人覺得佢係有微辣嘅，但係稍嫌湯底味道唔夠濃郁，始終同真正嘅冬陰功有一段差距。不過可能係打邊爐嘅關係，佢始終都唔會調得太濃，如果唔係可能就會搶咗所有食材嘅味道，所以湯底係稍為清一些， 湯底裏面都有少少海鮮食材 ，如果想再添加就要加錢。再嚟就係意式芝士蕃茄湯底 ，味道就係一個普通蕃茄湯底，芝士味唔濃接近食唔出 ，總括就係一個普通嘅番茄湯底。至於美肌湯底 ，味道其實就係普通清湯湯底 ，都尚算清甜，但係唔係特別出色。如果鍾意食清淡嘅人可能會喜歡的。本人今次叫做一個299嘅set， 包和牛同豚肉，感覺
其實但馬屋個環境都尚算可以。不過等位嘅朋友一定要企喺出面等佢係完全冇任何櫈可以提供畀客人坐。
先講一講個湯底先今次我叫做一個冬陰公湯底一個意式芝士蕃茄湯底同一個美人湯底 冬陰功湯底係今期最新嘅湯底。 凡叫咗呢個湯底，而惠顧價錢超過$199嘅客人，都可以獲贈一支isee isee 芒果西米雪條。
先講一講冬陰公湯底先， 個人覺得佢係有微辣嘅，但係稍嫌湯底味道唔夠濃郁，始終同真正嘅冬陰功有一段差距。不過可能係打邊爐嘅關係，佢始終都唔會調得太濃，如果唔係可能就會搶咗所有食材嘅味道，所以湯底係稍為清一些， 湯底裏面都有少少海鮮食材 ，如果想再添加就要加錢。
再嚟就係意式芝士蕃茄湯底 ，味道就係一個普通蕃茄湯底，芝士味唔濃接近食唔出 ，總括就係一個普通嘅番茄湯底。
至於美肌湯底 ，味道其實就係普通清湯湯底 ，都尚算清甜，但係唔係特別出色。如果鍾意食清淡嘅人可能會喜歡的。
本人今次叫做一個299嘅set， 包和牛同豚肉，感覺上和牛嘅味道很鮮嫩，味道不錯 。豚肉就一般般個人建議下次可以只叫和牛套餐。
雪糕方面，佢係提供四色 Haagen Dazs 雪糕，可以任君選擇。 感覺上都ok, 始終haagen-dazs雪糕都有信心保證。
以佢送嘅芒果西米雪條，感覺上好似食緊楊枝甘露咁，味道一般般唔特別驚喜。
張貼
