影片
更多
2019-05-23
81 瀏覽
今日同朋友去咗沙田嗰邊行街，見到greyhound都幾好feel，就入咗去食，呢度嘅環境都幾好，唔算好嘈，而且坐得都好舒服。見到餐牌有幾多嘢食。薄切三文魚配泰式辣汁:平時好少係泰國菜嗰度食到三文魚，所以就叫呢個小食試吓，佢個薄切三文魚好新鮮，配埋啲泰式辣汁食有幾惹味，好開胃，而且有啲蒜頭，食落更香口。招牌脆炸單骨雞翼:本身我都幾鍾意食雞翼，所以就點左呢一個單骨雞翼，佢炸得好脆，而且仲可以保持到肉汁，都幾好食。泰式部隊鍋麵:泰式部隊鍋入而有海鮮，有帶子，青口，大蝦，啲海鮮都幾新鮮，如果麵又好食，佢個湯底類似冬陰公，唔算好辣！但係就好惹味。啖啖蟹肉黃咖喱飯:見到好多人推薦食呢個咖喱飯，所以我哋都叫咗一個，淡淡蟹肉咖喱飯真係有好多蟹肉，簡直食唔晒，個黃咖喱唔算好辣，又好味。而且佢有個鹹菜瘦肉湯，好似人哋食海南雞飯有個杞子雞湯咁，喱個鹹菜瘦肉湯好出色，好好飲。椰子千層蛋糕:椰子千層蛋糕上面有啲椰絲，而個cream就有少少椰肉，好香椰子味，如果鍾意飲椰汁或者椰奶嘅人應該會好鍾意呢一個椰子千層蛋糕。而且唔算太甜，可惜個皮比較厚。泰茶千層蛋糕:食泰國嘢梗係要揀國泰茶千層蛋糕啦，因為味道比較特別，個千
薄切三文魚配泰式辣汁:
平時好少係泰國菜嗰度食到三文魚，所以就叫呢個小食試吓，佢個薄切三文魚好新鮮，配埋啲泰式辣汁食有幾惹味，好開胃，而且有啲蒜頭，食落更香口。
招牌脆炸單骨雞翼:
本身我都幾鍾意食雞翼，所以就點左呢一個單骨雞翼，佢炸得好脆，而且仲可以保持到肉汁，都幾好食。
泰式部隊鍋麵:
泰式部隊鍋入而有海鮮，有帶子，青口，大蝦，啲海鮮都幾新鮮，如果麵又好食，佢個湯底類似冬陰公，唔算好辣！但係就好惹味。
啖啖蟹肉黃咖喱飯:
見到好多人推薦食呢個咖喱飯，所以我哋都叫咗一個，淡淡蟹肉咖喱飯真係有好多蟹肉，簡直食唔晒，個黃咖喱唔算好辣，又好味。而且佢有個鹹菜瘦肉湯，好似人哋食海南雞飯有個杞子雞湯咁，喱個鹹菜瘦肉湯好出色，好好飲。
椰子千層蛋糕:
椰子千層蛋糕上面有啲椰絲，而個cream就有少少椰肉，好香椰子味，如果鍾意飲椰汁或者椰奶嘅人應該會好鍾意呢一個椰子千層蛋糕。而且唔算太甜，可惜個皮比較厚。
泰茶千層蛋糕:
食泰國嘢梗係要揀國泰茶千層蛋糕啦，因為味道比較特別，個千層蛋糕好濃郁嘅泰茶味，而且唔算太甜，但係個皮都係比較厚。
而且呢度嘅職員服務態度都好好，值得一讚。
張貼
