開心餅店

營業中

休息中

開心餅店既店面係傳統中式面包店既外形，真係估唔到會有咁多新式蛋糕、卷蛋，仲要咁高質，價錢唔貴，CP值高👍🏻最近好多介紹都係推介緊佢地既卷蛋，今次適逢慶祝生日，就試試佢既蛋糕先🎂芝士奶蓋草莓蛋糕🍓表面蓋上一層厚厚既奶蓋已經令人食指大動🤤下面見到蛋糕外圍都抹上左草莓忌廉，粉紅顏色十分夢幻。切開內層有三層海綿蛋糕夾住草莓忌廉同新鮮草莓果肉，忌廉食落好creamy好light，唔會好漏，好香甜甜既草莓味，完全唔係藥水味道😋😋海綿蛋糕好鬆軟，芝士奶蓋好綿滑好厚，食落一開始好濃奶味，之後咸香味慢慢出黎，非常香濃既奶蓋，超級推介！大家生日蛋糕都可以考慮下搵依間傳統餅店😋😋😋