影片
更多
2023-10-16
50 瀏覽
每次去開九龍城，如果要快靚正的話，都會第一時間諗起聯發。今次就介紹呢度的晚市推介，分別係<原個番茄鮮牛飯>同埋<窩蛋新鮮牛肉煲仔飯>。<原個番茄鮮牛飯>平時食開茄牛飯，只係得番茄汁同埋牛肉，但聯發的茄牛飯除左上述兩款材料外，仲有呢度馳名的炒滑蛋，再加上一個剥左皮的原隻番茄，上枱一刻就已經好吸引。番茄汁係用新鮮番茄煮成，唔係用現成茄汁，所以酸度同鹹度都做得好平衡。滑蛋都係做到滑嫩，而新鮮牛肉餣得夠味。食中式飯最重要係夠多汁，呢度有大量醬汁黎撈飯。最後有個小地方要留意的係食原隻番茄時要小心，因為裏面會爆汁，所以建議唔好原隻去食。<窩蛋新鮮牛肉煲仔飯>食聯發好多時只會聯想起炒滑蛋同超厚西多，但好多時會忽略左呢度的煲仔飯。呢度煲仔飯上枱時開蓋後仲會Keep住有熱辣辣的「沙沙聲」。窩蛋處理得好好，維持到爆汁的狀態。牛肉餅唔係一般用免治牛肉，而係由新鮮牛肉剁成，所以牛味足夠而有咬口，最後食埋撈左特製豉油的飯焦，非常滿足！
<原個番茄鮮牛飯>
平時食開茄牛飯，只係得番茄汁同埋牛肉，但聯發的茄牛飯除左上述兩款材料外，仲有呢度馳名的炒滑蛋，再加上一個剥左皮的原隻番茄，上枱一刻就已經好吸引。番茄汁係用新鮮番茄煮成，唔係用現成茄汁，所以酸度同鹹度都做得好平衡。滑蛋都係做到滑嫩，而新鮮牛肉餣得夠味。
食中式飯最重要係夠多汁，呢度有大量醬汁黎撈飯。最後有個小地方要留意的係食原隻番茄時要小心，因為裏面會爆汁，所以建議唔好原隻去食。
<窩蛋新鮮牛肉煲仔飯>
食聯發好多時只會聯想起炒滑蛋同超厚西多，但好多時會忽略左呢度的煲仔飯。呢度煲仔飯上枱時開蓋後仲會Keep住有熱辣辣的「沙沙聲」。窩蛋處理得好好，維持到爆汁的狀態。牛肉餅唔係一般用免治牛肉，而係由新鮮牛肉剁成，所以牛味足夠而有咬口，最後食埋撈左特製豉油的飯焦，非常滿足！
張貼
