影片
更多
2022-05-29
78 瀏覽
今日去開尖沙咀韓國街，口痕要食炸雞，又黎到呢間傳統老店！去到韓國餐廳點可以唔叫炸雞，雖然人少少但都想試多款味，二話不說就揀咗份有骨嘅半半炸雞，個人比較鍾意食帶着骨嘅肉，會特別嫩滑～今次叫咗蜂蜜蒜蓉同青辣椒蛋黃口味，前者每件都裹滿蜂蜜，醬汁幾多，蒜頭數大粒蒜蓉又有一大堆，食落甜甜地，當中有種蜂蜜清新氣息配搭蒜香，絕對係老幼咸宜之選。另一款面頭鋪滿厚厚一層蛋黃醬，當中夾雜唔少洋蔥同埋青辣椒，就咁試醬汁嘅係淡淡地無咩特別味道，類似輕盈沙律醬咁。但當配搭埋啲炸雞，成件事又幾有變化，少少酸度帶點微辣，種感覺幾creamy，同雞肉原有鹹味混合，再連埋啲洋蔥咬，真係別有風味，會推薦試下。除此之外想食啲暖笠笠又有湯嘅野，見到menu有款新菜式就試下佢：酥炸魷魚鬚配年糕湯。最抵讚係兩大件原隻魷魚，炸得超級酥脆，粉唔厚啖啖都係肉，重點！十分鮮香，絕對唔係急凍貨，佢越咬魷魚味會越出，點上沙律醬更滋味。另外年糕湯口味幾地道，帶甜，唔算太辣。年糕口感不錯，唔會太黏口又煮得透，加埋魚糕片同埋啲蔥蒜，一啖又一啖好惹味。飲品方面叫咗梨汁同西柚梳打，前者清新，比較有甜度，最欣賞係真係有啲梨嘅果肉；後者顏色都好鮮豔下，西
去到韓國餐廳點可以唔叫炸雞，雖然人少少但都想試多款味，二話不說就揀咗份有骨嘅半半炸雞，個人比較鍾意食帶着骨嘅肉，會特別嫩滑～今次叫咗蜂蜜蒜蓉同青辣椒蛋黃口味，前者每件都裹滿蜂蜜，醬汁幾多，蒜頭數大粒蒜蓉又有一大堆，食落甜甜地，當中有種蜂蜜清新氣息配搭蒜香，絕對係老幼咸宜之選。
另一款面頭鋪滿厚厚一層蛋黃醬，當中夾雜唔少洋蔥同埋青辣椒，就咁試醬汁嘅係淡淡地無咩特別味道，類似輕盈沙律醬咁。但當配搭埋啲炸雞，成件事又幾有變化，少少酸度帶點微辣，種感覺幾creamy，同雞肉原有鹹味混合，再連埋啲洋蔥咬，真係別有風味，會推薦試下。
除此之外想食啲暖笠笠又有湯嘅野，見到menu有款新菜式就試下佢：酥炸魷魚鬚配年糕湯。最抵讚係兩大件原隻魷魚，炸得超級酥脆，粉唔厚啖啖都係肉，重點！十分鮮香，絕對唔係急凍貨，佢越咬魷魚味會越出，點上沙律醬更滋味。另外年糕湯口味幾地道，帶甜，唔算太辣。年糕口感不錯，唔會太黏口又煮得透，加埋魚糕片同埋啲蔥蒜，一啖又一啖好惹味。
飲品方面叫咗梨汁同西柚梳打，前者清新，比較有甜度，最欣賞係真係有啲梨嘅果肉；後者顏色都好鮮豔下，西柚味幾出，鍾意佢唔會太甜，解辣解渴唔錯。
餐牌如下
張貼
