Coffeelin (高街) (已結業)

偽文青都係想搵個地方睇吓書飲下咖啡，朋友仔介紹學校附近一間咖啡店，講真唔喺學校附近都唔係咁容易搵到，因為佢離地鐵站唔係特別近，不過如果熟呢一區，去過一次就好容易認得，店舖細細食物選擇唔多，之前朋友介紹佢嘅Gelato好好食，可惜我去到當日竟然雪櫃壞咗，所以無緣一事唯有等下次。去咖啡店又唔係一定要飲咖啡不過就一定要食甜品，只要係凍飲+lemon cake 就已經滿足到我，叫左杯凍朱古力，但呢度嘅凍飲的確細杯，用價錢來講唔係太抵，但味道都幾特別，唔似大品牌嘅朱古力粉的味道。lemon cake都係2啖食完，但檸檬味好香，好味的。見有啲肚餓點左個蘑菇芝士法包，麵包即叫即整，好香芝士味同埋菇的香味，最正係見到有芝士拉絲。一個面包一杯朱古力坐左一個半鐘睇左半本書，呢個時候聞到勁香，原來曲奇剛焗起，聞住呢種香味，忍不住點咗兩塊，綠茶味唔會太甜而且夠脆，唔覺唔覺又坐左2個鐘。埋單$200有找，其實你話抵食就一定唔係，不過hea左3個鐘扮下偽文青，唔幫襯星吧x我地其實仲有選擇，堅持吧。