麻辣派對 (金百利廣場) (已結業)

自從放寬晚市至十點後， 市面回復返熱鬧氣氛。 早前因在家煮食皆以清淡為主，今天出外搵食偶爾都有品嚐惹味的心癮；故揀了一間食川菜的餐廳。其實我都不太食得辣嘢，所以只揀選一味小辣的頭盤來刺激吓味雷。鮮椒爽脆生腸 （小辣） $78 生腸爽脆有口感，雖然剪到細細粒；但份量都唔少舖滿整隻碟，食時毫無臭味。生腸下面墊左青瓜絲，吸收哂D麻辣醬汁；清爽得來帶有微辣感，非常惹味開胃。孜然蔥爆蒙古羊肉（走辣）   $98這個餸根本不需要辣已很重口味。用古法孜然烹調，用上大量京葱做配料，羊肉份量足夠；肉質亦嫩滑。家常豆腐 （走辣）   $68豆腐嫩滑配以豆腐乾口感分明，加入雲耳完全是一個地道式的家庭小菜。凍蜜語水果茶   $38有很多新鮮水果如橙、西瓜、火龍果、奇亞籽、檸檬和青檸等，再以紅茶冲成一杯清甜美味而亦有口感的飲品；用它來解辣的確是唔錯。冰雪鮮檸C飲    $38用檸檬和青檸泡製而成，充滿維他命C；清新開胃，生津解渴。