金滿堂甜品

營業中

休息中

每次响九龍城食完飯都會嚟食甜品，食過紅粉佳人、咖啡果凍伴雪芭、金枝玉葉、雜果拉麵.....紅粉佳人($28): 絕對係士多啤梨迷嘅首選，因為成碗都係用士多啤梨整，士多啤梨冰加原粒士多啤梨，仲有啲椰果，好好味呀金枝玉葉($2x): 即係楊枝甘露，同出面啲楊枝甘露唔同，啲度有加新鮮龍眼，好特別鋪內仲有個流行榜，會排頭十位人氣甜品，紅粉佳人、咖啡果凍伴雪芭、金枝玉葉都係十大之內，可知係幾好味啦。而且全店嘅甜品都係少甜，當然想甜啲可以加啦，價錢亦唔算貴，普通糖水(如芝麻糊、豆腐花....)都係十幾蚊，而特別甜品 (如紅粉佳人、咖啡果凍伴雪芭)都只係廿幾蚊