Bischofia by Mood

營業中

休息中

餐廳主打健康飲食，如果想修身減脂，真係要從飲食做起。餐廳部分menu係由註冊營養師同健身教練推薦，每個菜色都有詳盡營養標籤，無論係素食，低糖，增肌，低脂，都好多選擇，真係岩晒我。除了健康餐單，餐廳環境氣氛都好有mood! 柔和昏暗的燈光，綠意盎然的植物裝飾，逢星期二，四，五，六有live music , 星期三仲有魔術表演！🐮香煎紐西蘭牛柳配薯蓉牛柳脂肪含量少，肉味濃郁，叫了三成熟，煎得好香。一份有成56g蛋白質，真係增肌之選。🐟壽喜燒三文魚扒配焗番薯條三文魚扒皮脆肉嫩，魚油豐富，最有誠意係焗番薯條取代了平時的炸薯條，真係食得有營👍🏻焗番薯條脆卜卜但一點都不邪惡🤤好食。🍹微光晨曦有菠蘿，芒果同燕麥奶，維他命C爆燈😍養顏美容之選，味道清清甜甜好好飲。🍹慕光森林黑莓，藍莓，士多啤梨加脫脂奶，味道相對無咁甜，對消化排毒好有幫助。🌟覺得餐廳理念好好，享受美食之餘，仲會注重營養，達到均衡飲食。