富記大排檔

營業中

休息中

同男朋友踩完單車 去大圍揾好西食 見到呢間有泰國菜食嘅大排檔 感覺幾新鮮 去到個格局唔多似傳統大排檔 大部分都係卡位 唔錯鮮蝦墨魚浸勝瓜份量都幾多 鮮蝦滑同墨魚滑都算有𡁻頭 但勝瓜好raw 加上佢啲皮刨得唔太乾淨 食起上黎有啲草味 所以呢碟只得中評椒鹽鮮魷唔似一般出面食都嘅咁重味 加上佢有落辣椒 感覺上一啲都唔熱氣 上到枱碟鮮魷依然脆身 份量啱啱好 食完都冇乜罪惡感茄子斑腩煲茄子煮得啱啱好 唔會太腍 斑腩對茄子比例差不多50:50 算係好足料 但如果佢可以用原隻砂鍋上菜應該會更加好味(因為而家用鐵鍋上 雖然都夠熱 但冇左個種"沙"一聲 令到色香味都好似爭左啲)