NUTTEA (旺角中心第一座) (已結業)

次次去旺角行街都一定會嚟旺中飲堅果奶，又健康又可以過吓口癮，飲完唔會有罪惡感伯爵朱古力堅果奶蓋 $48金獎作品，每日限量100杯，我哋點咗微甜，甜度適中；奶蓋好厚好足料，除咗有陣濃濃嘅鹹香芝士味，重有陣堅果味同朱古力味，好夾好順滑；伯爵茶茶底勁香，飲得出係靚茶葉。朱古力榛果堅果奶 $40榛果味濃郁，好似飲緊少甜版嘅金莎噉，口感細滑綿密，好正！整體上NUTTEA嘅出品都好有質素保證，冇奶冇奶精，飲完重好飽肚，可以當係一入健康又唔肥嘅下午茶。