天下毛湘 (裝修中)

天下毛湘 尖沙咀前幾日放工，同個同事去咗食湖南菜，本身以為一定好辣，點知出奇地好多唔辣嘅選擇，仲好好食！生煎豬肉包外脆內軟，入邊仲有少少肉汁，超香口！一個人簡直可以食晒三個😆😆豆腐魚湯滑脫脫嘅豆腐，配上好新鮮嘅魚煲出嚟嘅香濃魚湯，兩個人每人都飲咗三碗，超新鮮，冇味精，飲完完全唔口渴！☺️過橋豆腐肉碎蛋呢個出奇地好食，雖然材料好簡單，但係手工藝菜煮得好好！雞蛋唔會太過熟，配上上面嘅豆腐，送飯一流😋佢仲有午市套餐，下次去試吓！