影片
更多
2021-03-10
185 瀏覽
金鐘呢個美食沙漠要搵餐飯食真係唔容易，難得係海富中心搵到好食既外賣，當然要推介下。餐廳淨係做外賣，每日既餐牌同例湯都唔一樣，上社交平台 睇番每日精選，再打定電話落單，晏晝食飯就唔洗大排長龍😂兩餸飯：韓式泡菜豬肉+炒雜菜份量十足，細食既人記得嗌少飯。豬肉片配泡菜夠哂惹味得泥又唔辣，送飯一流。米飯軟硬度適中，充滿米香。炒雜菜分別有椰菜、椰菜花，翠肉瓜等，肉類同蔬菜份量一樣，營養夠哂均衡。節瓜瘦肉湯湯渣有好多節瓜，好足料，飲落清甜得泥幾滋潤，最重要既係唔落味精，飲完絕對唔會口乾。腐竹薏米蛋花糖水加$12會有埋糖水飲。入口好滑，留番下午茶食真係一流😋
張貼
