影片
更多
2017-08-21
571 瀏覽
星期日，兩個人食晚飯。餐廳裝潢帶點南歐+熱帶風情，幾有特色。點了3道菜+2飲品。1. Nachos + 炸蕃薯條 (原為配洋蔥圈)Salas 醬辣辣地，非常開胃 (據聞係自家調配)。炸蕃薯條比較少見，炸得幾趣，唔油膩。Chips 則正正常常。2. 爆炸呑那魚其實係一舊呑那魚煎香咗，外層再鋪上黑白芝麻同爆炸糖，食起黎有「爆炸」效果，底層再鋪咗沙律菜同黑醋汁。煎封效果很好，做到外面熟而內𥚃仍然係生嘅，而且芝麻唔會甩到成碟都係，依然係痴住嚿魚。配上爆炸糖感覺新鮮，廚師心思同手藝值得一讚。美中不足係魚肉本身略欠鮮味，否則可更上一層樓。順帶一提，伴碟的沙律菜絕無嬉場，塊塊飽滿完整，靚過好多西餐廳。3. 黑松露 angel hair呢碟係素嘅 pasta + cream sauce (同行朋友食齋)。麵條 texture 煮得剛剛好，cream sauce 惹味而不膩，又唔會太稀或太濃，亦加入好多菇菌類同露笋。食落好有驚喜，絕非一般貨色。呢碟 pasta 冇乜挑剔嘅位置，做得非常出色。4. Iced peach teaGimmick 行先，差不多成 $50，偏貴，不過有個杯俾你好似 bar ten
1. Nachos + 炸蕃薯條 (原為配洋蔥圈)
Salas 醬辣辣地，非常開胃 (據聞係自家調配)。炸蕃薯條比較少見，炸得幾趣，唔油膩。Chips 則正正常常。
2. 爆炸呑那魚
其實係一舊呑那魚煎香咗，外層再鋪上黑白芝麻同爆炸糖，食起黎有「爆炸」效果，底層再鋪咗沙律菜同黑醋汁。煎封效果很好，做到外面熟而內𥚃仍然係生嘅，而且芝麻唔會甩到成碟都係，依然係痴住嚿魚。配上爆炸糖感覺新鮮，廚師心思同手藝值得一讚。美中不足係魚肉本身略欠鮮味，否則可更上一層樓。順帶一提，伴碟的沙律菜絕無嬉場，塊塊飽滿完整，靚過好多西餐廳。
3. 黑松露 angel hair
呢碟係素嘅 pasta + cream sauce (同行朋友食齋)。麵條 texture 煮得剛剛好，cream sauce 惹味而不膩，又唔會太稀或太濃，亦加入好多菇菌類同露笋。食落好有驚喜，絕非一般貨色。呢碟 pasta 冇乜挑剔嘅位置，做得非常出色。
4. Iced peach tea
Gimmick 行先，差不多成 $50，偏貴，不過有個杯俾你好似 bar tender 咁加茶、冰、peach syrup 再玩 shake shake，都算有得玩下，味道正路。
5. Iced dirty green tea latte
即 green tea latte + coffee。味道不俗，飲落有d似珍珠奶茶(不過係 high quality 版本)，加咗咖啡都唔會唔夾。
全餐飯 $5xx 埋單，其實價錢唔平，不過個人覺得係值回票價。食物質素整體上好，每道菜都睇到廚師嘅心機同手藝，絕不 hea 底，而且食物 portion 其實都真係幾大，多 d 人share 食先食得晒。加上裝潢特別，而且店員都好 nice 咁介紹 menu, 老闆娘更每一枱都 social 一番，成件事睇到 owner 好有心去經營呢間餐廳。推薦，會再幫襯。
Nachos + 蕃薯條
20 瀏覽
0 讚好
0 留言
爆炸呑那魚
14 瀏覽
0 讚好
0 留言
黑松露 angel hair
12 瀏覽
0 讚好
0 留言
張貼
