馬姐重慶麻辣燙(老字號)

營業中

休息中

上次食過覺得好食，一心帶朋友黎食，兩個人夜晚9點幾黎到，叫左個幾餸麻辣燙，食晒先醒起碗麵入面冇豬大腸，同個阿姐講，個阿姐話我食晒先講，話係我錯。事實係豬大腸根本冇黎，我又根本冇食過，理所當然要退錢，阿姐堅持係我錯，我當然同佢理論。店員阿叔加入理論，原本阿叔都話係我錯，後尾都話算數肯退錢。我太嬲都計唔到數，結果找左錢離開先發現根本冇退到10蚊。最慘係朋友原來一直都知阿姐出古惑，但佢唔出聲仲話唔好同佢嘈，最多下次唔好黎。唔係下次黎唔黎既問題，係根本佢地做生意手法有問題，係原則問題，呢間咁既店幾好食都冇用，以後都唔好去。