影片
更多
2021-07-12
1010 瀏覽
星期日食晏都離唔開去飲茶。老爺話要試吓阿一鮑魚，於是我哋又一齊去啦，反正銅鑼灣分店我哋從來都冇去過😅點心當然係即叫即蒸，新鮮熱辣辣送到枱上面。我哋覺得最特別就係「碧綠鮑魚餃」隻綠色被我個仔形容係crocodile green 😆 綠到誇張咗少少，不過入面嘅餡料好豐富，有鮑魚粒同一些蔬菜，味道有層次。「北海道帶子燒賣皇」賣相吸引，上面嗰啲唔係平時橙色細細粒嘅蝦籽蟹籽，而係大大粒嘅魚子。連埋北海道帶子，真係好鮮甜，可以一人食一籠😋其他點心都好味，不過冇以上兩款咁有特色。服務周到，隨時有人幫你斟茶。我只需要望一望個待應，唔使出聲，佢已經會自動過嚟問我有乜需要，好勤快。我個仔整跌咗條餐巾佢自己都冇為意到，侍應已經攞咗一條新嘅過嚟俾佢！餐廳裝修古典優雅，光線充足，又可以見到銅鑼灣海旁風景，令人覺得好舒服。枱與枱之間相隔頗遠，令我哋一家人可以輕鬆地傾下閒計，唔會受人騷擾亦唔會騷擾到人。
星期日食晏都離唔開去飲茶。老爺話要試吓阿一鮑魚，於是我哋又一齊去啦，反正銅鑼灣分店我哋從來都冇去過😅
點心當然係即叫即蒸，新鮮熱辣辣送到枱上面。我哋覺得最特別就係「碧綠鮑魚餃」隻綠色被我個仔形容係crocodile green 😆 綠到誇張咗少少，不過入面嘅餡料好豐富，有鮑魚粒同一些蔬菜，味道有層次。
「北海道帶子燒賣皇」賣相吸引，上面嗰啲唔係平時橙色細細粒嘅蝦籽蟹籽，而係大大粒嘅魚子。連埋北海道帶子，真係好鮮甜，可以一人食一籠😋
其他點心都好味，不過冇以上兩款咁有特色。
服務周到，隨時有人幫你斟茶。我只需要望一望個待應，唔使出聲，佢已經會自動過嚟問我有乜需要，好勤快。我個仔整跌咗條餐巾佢自己都冇為意到，侍應已經攞咗一條新嘅過嚟俾佢！
餐廳裝修古典優雅，光線充足，又可以見到銅鑼灣海旁風景，令人覺得好舒服。枱與枱之間相隔頗遠，令我哋一家人可以輕鬆地傾下閒計，唔會受人騷擾亦唔會騷擾到人。
張貼