一起果醬 (已搬遷) 新店位置

秋高氣爽，星期日同男友到西貢周圍行下拍下拖，行行下有啲肚餓想搵間餐廳食下午茶，咁岩見到原來西貢都有間一起果醬，諗都唔諗就走入去食野啦餐廳門面細細，但好有郊外小店feel!主餐牌-原來佢除左甜品都有唔少咸食！我地先叫左個蟹肉沙律，蟹肉都算多，除左沙律菜之外佢仲加左好多果肉粒，食落好fresh 又多種口感男友比較肚餓，叫左個果醬燒豬肋骨，嘩！燒得好香口，肉質又淋又滑！絕對不比有名的西餐廳做得遜色！個薯角都好脆口新鮮，最特別係佢唔係點茄汁，係點士多啤梨醬，原來同薯角係咁夾，有驚喜最後當然要食多個招牌九公格多士，有九種不同味道的果醬，每一種都做得很出色，個多士又厚又鬆脆，值得一讚！