影片
更多
2024-12-16
270 瀏覽
-上次去完Airside，發現呢度嘅空中花園有幾間靚靚餐廳，今次介紹多一間以衝浪為主題嘅泰國餐廳。呢間餐廳唔只裝修靚，客人仲可以體驗室內衝浪🌊新手亦可預約有教練指導嘅時段，經營手法相當新穎😍而且呢間係Pet Friendly餐廳，假日可以帶寵物黎玩，又可以衝浪，真係假日好去處👍🏻🫔自家制印尼素菜卷 $108春卷皮香脆可口，每一啖都會聽到卜卜聲，入面以黑木耳、冬菇、竹筍、紅蘿蔔，雞蛋以素菜為饀料，比起傳統饀料，味道更為清爽。最後配上泰式辣醬，甜辣味道，令每一啖都不膩滯。🥗印尼吞拿魚沙律 $188以新鮮生吞拿魚為主嘅沙律🐟廚師選用了中拖羅而唔用赤身，令沙律無血腥味且帶魚油甘香。有別於普遍西式沙律，呢款以椰子油取替橄欖油，再加上青檸汁、西柚、車厘茄、青蘋果粒，令沙律味道清爽開胃，相信祖師爺都唔會覺得污穢，仲鍾意食啊🤣👍🏻🍛印尼大樹菠蘿咖哩 $138廚師大膽以大樹菠蘿為主食，非常特別😏選用印尼亞齊風格嘅咖哩烹煮大樹菠蘿至淋身，吸收哂咖哩汁嘅精華。咖哩汁嘅椰漿同香茅味突出，辣度平易近人，小朋友都食到。唔止小朋友，連素食者及hello文都可以品嚐🙂↕️🦐泰式大蝦炒金邊粉 $128一份泰國傳統味道嘅
上次去完Airside，發現呢度嘅空中花園有幾間靚靚餐廳，今次介紹多一間以衝浪為主題嘅泰國餐廳。呢間餐廳唔只裝修靚，客人仲可以體驗室內衝浪🌊新手亦可預約有教練指導嘅時段，經營手法相當新穎😍而且呢間係Pet Friendly餐廳，假日可以帶寵物黎玩，又可以衝浪，真係假日好去處👍🏻
🫔自家制印尼素菜卷 $108
春卷皮香脆可口，每一啖都會聽到卜卜聲，入面以黑木耳、冬菇、竹筍、紅蘿蔔，雞蛋以素菜為饀料，比起傳統饀料，味道更為清爽。最後配上泰式辣醬，甜辣味道，令每一啖都不膩滯。
🥗印尼吞拿魚沙律 $188
以新鮮生吞拿魚為主嘅沙律🐟廚師選用了中拖羅而唔用赤身，令沙律無血腥味且帶魚油甘香。有別於普遍西式沙律，呢款以椰子油取替橄欖油，再加上青檸汁、西柚、車厘茄、青蘋果粒，令沙律味道清爽開胃，相信祖師爺都唔會覺得污穢，仲鍾意食啊🤣👍🏻
🍛印尼大樹菠蘿咖哩 $138
廚師大膽以大樹菠蘿為主食，非常特別😏選用印尼亞齊風格嘅咖哩烹煮大樹菠蘿至淋身，吸收哂咖哩汁嘅精華。咖哩汁嘅椰漿同香茅味突出，辣度平易近人，小朋友都食到。唔止小朋友，連素食者及hello文都可以品嚐🙂↕️
🦐泰式大蝦炒金邊粉 $128
一份泰國傳統味道嘅金邊粉。以羅望子醬、茄汁、椰糖、魚露為主，配上彈牙鮮蝦，炒至入味嘅蛋花，味道濃郁嘅韮菜，口感清爽嘅芽菜，口感豐富，味道酸酸甜甜。餐廳將金邊粉配料嘅花生粒同辣椒片好貼心咁放係旁邊，客人可自行判斷加幾多。如果想食嘅素食朋友，都可以同餐廳同事講，佢地會為你準備素食版嘅金邊粉。
🥥斑蘭椰絲卷 $88
鮮豔奪目嘅綠色斑蘭卷，包住一條條帶有微微薑味嘅纖細椰絲，旁邊嘅雲呢拿雪糕仲有雲尼拿籽，頗有誠意。另配有黑糖糖漿，令班蘭卷有兩種唔同食法。最欣賞無論沾上雪糕或是糖漿，兩種食法都無覆蓋到斑蘭的味道，斑蘭味會係尾韻慢慢浮現，層次豐富，非常出色😍
🌶冬蔭瑪莉 $88
一杯血腥瑪莉嘅變奏嘅雞尾酒，vodka 為基酒，再大膽加入自家制嘅冬蔭公汁，tabasco 味道先直接沖入口腔，非常刺激，之後再有蕃茄味同辣味，最後冬蔭公味再慢慢滲出，味道比平時血腥瑪莉更為辛辣😝
🩷薩拜薩拜 $68
益力多大家都飲得多，但將佢打成foam，再放上面嘅mocktail，大家又有冇試過呢😏？以cranberry juice同紅火龍果蓉為基底，加入青檸汁和洛神花糖漿，味道偏酸。益力多foam完美中和左過多嘅酸味，令呢杯mocktail有大自然清新氣息之餘又唔會太酸🥰
張貼
