影片
更多
2022-10-17
36 瀏覽
相信大家平時都係嚟食#炸雞、#芝士岩漿飯 比較多，畢竟係最出名嘅招牌菜式，不過今次我特登揀假日下午三點嘅時間，就係想嚟試試韓閣新出嘅夏日限定下午茶set😛。🥂#二人夏之戀下午茶($258)：好豐富嘅tea set，男朋友表示最好食係迷你手打牛肉漢堡，牛肉有少少筋幾有咬口，麵包外層微脆內裏充滿牛油香👍🏻，而三文魚酥盒口感鬆化，同三文魚肉好夾。蟹籽大蝦海鮮撻都唔錯，大蝦爽脆仲有超大pat沙律醬唔會乾爭爭。香脆炸雞翼仍然有肉汁，反而白汁雞酥我地最後先食所以淋咗同凍咗啲，但酥皮依然層次分明。另外仲有雜菜沙律酸酸甜甜帶點柚子嘅清香🌬(上面會有幾粒朱古力花，強烈建議唔好撈埋一齊放入口)。甜點方面我最鐘意係鮮果牛角酥格仔餅🥐，又香又脆可媲美專門店，croffle本身已經淋咗啲糖漿係上面，點少少果漿忌廉更加好食。燉蛋底面都有焦糖但唔會太甜👌🏻。藍莓奶凍嘅藍莓果醬俾得好足而奶凍同樣唔甜有淡淡奶香。最後飲品我地選擇加錢要咗杯紫雨林同百香果桂花烏龍，前者其實係提子溝香橙氣水，好大杯超抵飲😆，後者百香果味道比起桂花烏龍更突出，甜大於酸。🦑#即燒原條魷魚皇($88)：每兩位客人就可以以優惠價揀一款小食，呢條魷魚
相信大家平時都係嚟食#炸雞、#芝士岩漿飯 比較多，畢竟係最出名嘅招牌菜式，不過今次我特登揀假日下午三點嘅時間，就係想嚟試試韓閣新出嘅夏日限定下午茶set😛。
🥂#二人夏之戀下午茶($258)：
好豐富嘅tea set，男朋友表示最好食係迷你手打牛肉漢堡，牛肉有少少筋幾有咬口，麵包外層微脆內裏充滿牛油香👍🏻，而三文魚酥盒口感鬆化，同三文魚肉好夾。蟹籽大蝦海鮮撻都唔錯，大蝦爽脆仲有超大pat沙律醬唔會乾爭爭。香脆炸雞翼仍然有肉汁，反而白汁雞酥我地最後先食所以淋咗同凍咗啲，但酥皮依然層次分明。另外仲有雜菜沙律酸酸甜甜帶點柚子嘅清香🌬(上面會有幾粒朱古力花，強烈建議唔好撈埋一齊放入口)。
甜點方面我最鐘意係鮮果牛角酥格仔餅🥐，又香又脆可媲美專門店，croffle本身已經淋咗啲糖漿係上面，點少少果漿忌廉更加好食。燉蛋底面都有焦糖但唔會太甜👌🏻。藍莓奶凍嘅藍莓果醬俾得好足而奶凍同樣唔甜有淡淡奶香。
最後飲品我地選擇加錢要咗杯紫雨林同百香果桂花烏龍，前者其實係提子溝香橙氣水，好大杯超抵飲😆，後者百香果味道比起桂花烏龍更突出，甜大於酸。
🦑#即燒原條魷魚皇($88)：
每兩位客人就可以以優惠價揀一款小食，呢條魷魚皇好厚身，口感會實淨一啲，燒汁甜甜地都幾開胃😋。上餐時會俾埋把鉸剪你，自己剪係過引啲嘅。
整體嚟講我覺得成個套餐都幾豐富，二百幾蚊就可以試到多種唔同嘅食品，下午茶set嘅擺盤都好靚，仲有啲蝴蝶同朱古力花花做裝飾，為平靜嘅假日增添一點儀式感💖。
此外，餐廳旁邊有個「閣樓市場」，專賣各種韓式食品🇰🇷，熱食同急凍食品都有，等位個陣唔驚悶親。
張貼
