蔵鳶居酒屋

營業中

休息中

藏鳶居酒屋，位於尖沙咀旺區，交通好方便，上網見到有好多朋友推介，於是今晚收工同同事去試一試☺️ 最特別一定係居酒屋🏮入面有一個特大魚缸，可以比客人從中揀活海鮮，即場撈起，再決定烹煮方法。 1️⃣ 玉子燒 口感鬆軟、好香蛋味，加埋明太子同特製醬汁，作為前菜，好醒胃。2️⃣ 生松葉蟹腳刺身啖啖肉，松葉蟹腳好新鮮，肉質纖細甜美。3️⃣油甘魚刺身食落淡淡甘甜，每一口都充斥魚油香氣，齒頰留香。4️⃣香脆軟殼蟹軟殼蟹入口軟腍，外皮炸到脆卜卜，入口鬆脆。5️⃣濱燒蟶子皇燒到啱啱好，好新鮮，好鮮甜，好Juice6️⃣海膽丼食海膽嘅人，最講究「新鮮」二字，呢度嘅海膽，冇令我失望，真係好鮮甜，仲可以食到好清新嘅海水味道。😋7️⃣ 牛油炒雜菇&炒野菜好香牛油味，而且野菜同雜菇好爽口。