上海萬家村小館

營業中

休息中

因為黎緊會去旅行，所以去左深水埗整國際牌，然後就去左黃金附近閑逛，發現有間排隊等入坐既餐廳：「上海萬家村」，於是就望一望餐牌，價錢尚算吸引，而且有好多出名既上海特色菜式，例如：蟹粉小籠包，上海粗炒等；排左幾分鐘，好快就有坐位，舖內坐位略嫌有點逼，但係食客都互相讓道，都沒有太大問題；坐好便立即叫了一客蟹粉小籠包，上海粗炒及蟹粉扒豆苗，三樣出名的上海菜；等左一陣就上菜，最先出場既係蟹粉小籠包，小籠包外相一流，上面有蟹黃做點綴，咬開有湯汁流出，唔算太腥；然後到上海粗炒，肉絲同上海麵均勻地炒勻，亦都十分入味；最後就係蟹粉扒豆苗，豆苗上鋪滿由蟹粉同蟹黃混合芡汁羹，新鮮既豆苗加上濃味既芡汁羹，食落別有一番風味。下次可以挑戰食一些辣味上海菜。