雙辣屋

營業中

休息中

今日放工同朋友食晚飯，最後揀左呢間以前食過覺得好好味嘅印度餐廳。餐廳位置比較隱蔽，亦都冇乜人光顧，成晚就得我同朋友。兩個人叫左個2人套餐: 有羅宋湯，脆薄餅，咖哩薯仔角，芝士薯仔蛋，燒雞，咖哩牛腩連麵包，飲料，椰汁芒果。呢個脆餅好香，有啲好特別嘅香料，將佢送湯就一流！咖哩薯仔角，好正！熱辣辣食最好，凍左個皮就韌呢份燒雞有4至5塊，都幾辣下，要飲檸檬茶解下辣，雞肉比較乾身同硬，所以我prefer點咖哩汁甘食。跟住就係芝士薯仔蛋，但我食吾出有芝士，而且佢有青豆同莞茜，我吾多中意。所以主要都係食個牛腩，牛腩炆得幾琳，最鍾意都係牛腩個咖哩汁，蘸麵包食好正，有成4,5塊大麵包，吃左甘多餸之後其實已經好足夠，吃埋麵包就超飽。最後就到芒果凍！上面鋪左啲味道好似糖，但又有啲似雪花冰嘅配粉，好正！好彩細細份咋，頭先已經食到飽飽。個芒果凍就不過不失，幾香。