品香樓中西風味餐廳

營業中

休息中

一行四人平安夜去完迪迪尼就山長水遠入南山村食依間餐廳。玩咗成日又平安夜又慶祝又盛當然要食好啲。叫咗個黃金蝦。又有鹹蛋黃香又炸又脆卜卜嘅蝦勁惹味囉。無得輸。略嫌唔夠多隻。之後嚟嘅咕嚕肉都唔會食到成口粉。佢真係肉嚟㗎。啲汁個味啱啱好唔會酸到爆炸。不錯。跟住依個蜜汁火燒牛柳粒係賣飛佛。個汁甜甜哋又係好惹味。餸飯一流。牛柳粒完全唔韌。又夠多粒。正。到個風沙雞。以為會乾憎憎。點知皮脆啲肉仍然juicy。完全無點過嗰啲鹽同醬就啪晒成碟雞。香口嘢真係好難抗拒。不過為健康著想都叫個菜啦。什菜煲。正常什菜同菇同粉絲。refresh吓都不錯。最後緊係飲返個出名嘅朱古力啦。食完嗰啲煎炸香脆嘢飲啖凍冰冰朱古力簡直無得彈。總結樣樣都好味。所以咁鬼遠走入去食都抵。