影片
更多
2025-01-09
592 瀏覽
以前淨係知道corner coffee係一間買咖啡嘅餐廳，但係完全唔知道原來已經開咗幾間分店，仲有得坐低喺度食添，今日同朋友去試咗。一去到同我想像嘅好唔同，又有一啲公平貿易嘅貨品買，又有一啲天然嘅貨品買，好似一個文化交流嘅地方。澳洲和牛芝士漢堡配黑松露薯條($158): 首先一陣間喺呢度擺盆嘅全部都好精緻，薯條份量還可以，都幾鍾意佢本身已經有少少香草同埋鹽去調味。芝士漢堡本身肉質都可以嘅，但係如果再熱少少就更加好。香蔥香菇壽喜燒汁牛肉蓋飯($138): 牛肉幾好食唔會過老，自己覺得牛肉配菇呢一個配搭都幾新穎，唔會淨係得一種口感。而且壽喜燒汁同飯嘅份量都啱啱好唔會過鹹，仲配有糖心蛋同埋沙律添。比較驚喜嘅係佢呢一度竟然可以食到雙魚小姐嘅Tiramisu巴斯克蛋糕，之前想試咗好耐，但係點都冇機會試到。上面啲cream，好幼滑，配上巴斯克蛋糕嘅芝士味就double creamy! 另外試咗佢哋嘅水晶葡萄味hand drip($95)，成個體驗好高級，會有餐廳同事去你嘅位嗰度講解每一樣嘢可以點樣體驗，譬如油乾嘅咖啡粉可以俾你問吓，而且會有兩種唔同嘅杯佢哋唔同嘅質地同埋厚度都會影響咖啡嘅味道，最後
澳洲和牛芝士漢堡配黑松露薯條($158): 首先一陣間喺呢度擺盆嘅全部都好精緻，薯條份量還可以，都幾鍾意佢本身已經有少少香草同埋鹽去調味。芝士漢堡本身肉質都可以嘅，但係如果再熱少少就更加好。
香蔥香菇壽喜燒汁牛肉蓋飯($138): 牛肉幾好食唔會過老，自己覺得牛肉配菇呢一個配搭都幾新穎，唔會淨係得一種口感。而且壽喜燒汁同飯嘅份量都啱啱好唔會過鹹，仲配有糖心蛋同埋沙律添。
比較驚喜嘅係佢呢一度竟然可以食到雙魚小姐嘅Tiramisu巴斯克蛋糕，之前想試咗好耐，但係點都冇機會試到。上面啲cream，好幼滑，配上巴斯克蛋糕嘅芝士味就double creamy!
另外試咗佢哋嘅水晶葡萄味hand drip($95)，成個體驗好高級，會有餐廳同事去你嘅位嗰度講解每一樣嘢可以點樣體驗，譬如油乾嘅咖啡粉可以俾你問吓，而且會有兩種唔同嘅杯佢哋唔同嘅質地同埋厚度都會影響咖啡嘅味道，最後就可以自己加落冰到自己慢慢嘆。好有驚喜嘅係真係飲完嘅after taste 有小小提子味！ 如果下次再嚟嘅，一定會再試埋其他味道!!
菊花洋甘菊茶 ($48):熱飲， ×是超健康，而且見到真係好足料，差唔多三份一杯嘅都係花茶，如果可以再有一杯熱嘅水可以自己再調校味道就好啦。
總結：幾鍾意呢一間餐廳，係少數嘅可以同本地唔同品牌合作嘅，見到仲有香港餐飲公司肯用本地品牌嘅食材嘅時候真係好值得我哋去支持。而且真係好啱一班三五知己去傾偈，而且夜晚嘅時候見到都有少少滿場，如果想去嘅話就盡快book位啦。
張貼
