三川居酒屋 (已結業)

🌟 三川居酒屋🇯🇵🍢 🏮📍 銅鑼灣軒尼詩道499號永光商業大廈 朋友介紹呢間係銅鑼灣嘅居酒屋，今日同老婆去試吓。😋🌸嚴選季節刺身盛 🐟🦐🐚🦪坐低冇耐店員就主動推介刺身，一盤有9款時令嘅海鮮，有法國生蠔 北海道牡丹蝦 剝皮魚 帆立貝 北寄貝 油甘魚 深海池魚 吞拿魚赤身 同埋 中拖羅。全部都好新鮮，比較特別嘅有剝皮魚，肉質Q彈清甜。北海道嘅牡丹蝦超級大隻，入面仲有滿滿嘅蝦膏，好香甜。🥗明太子蟹肉醬焗蠔肉蘑菇批🍄🦀🦪🧀🦐烤焗大啡菇就食得多，加埋 蟹肉 廣島蠔 辣明太子醬 芝士 一齊焗，大菇吸收咗海鮮嘅味道，意想不到咁夾。🍢去居酒屋最期待嘅就係串燒。朋友介紹 醬油燒茄子 燒銀杏 燒雞皮 燒雞肝 月見免治雞肉棒 厚燒牛舌。整體都唔錯，重點要介紹🐥雞皮燒到薯片咁香脆，一啲都唔油膩。🌰銀杏甘香軟糯，冇苦味。🐮個人最喜愛喺牛舌芯，只有中間最肥美嘅部份，仲要切得超級厚。爽彈入味又唔韌👍🏻🌟整體食物質素高，價錢合理。可以考慮約朋友嚟呢度聚會，夠人數可以坐日式包廂，非常有氣氛。🌾🛖🏮🎏