三星台菜食堂 (新城市廣場一期) (已結業)

好想食台灣菜，飛唔到去台灣食，就試下三星台灣菜沙田分店，順道支持一下良心餐廳。大約六點左右去到餐廳，都唔使排隊，直接有位可以入坐。我地點左台式炸雞扒湯面同滷牛肚。台式炸雞扒湯面$78 炸雞扒好大塊，即叫即整，食落熱辣辣酥香可口，好juicy好好味。湯面份量都算多，湯底香濃牛肉味，加上湯面上伴隨有一大堆香蔥辣椒同醃酸菜，酸酸辣辣好開胃。滷牛肚$52值得推介小食，牛肚口感好稔好嫩。加埋蒜泥真係好好味呀👍🏻😋好出色。整體來講 好高質既台灣菜抵食又好味。