摩豆 (已結業)

 本身我好鍾意新加坡食物(特別係班蘭味食物)，今日路過花園街，見到呢間新加坡小食店大部分小食同飲品都加入班蘭味，我諗都唔駛諗就即刻去試。該店有四款雞蛋仔，除左朱古力味，其他味道在香港從未見過，包括羅宋湯味、積及橙餅味以及班蘭味，我當然試班蘭味雞蛋仔先，再加上班蘭軟雪糕。由於好多人，所以等咗10分鐘先有得食。班蘭雞蛋仔本身幾脆，但略嫌班蘭味唔夠濃; 而班蘭軟雪糕就好有水準，班蘭味道重，雪糕軟度OK，雖然雪糕好快溶，但味道不錯，值得再試。