豪園麵家 (已結業)

今天去探住在黃大仙現祟山的表姐，最近佢屋企裝修完，請我過去聚一聚，參觀完家居後，她帶我去樓下商場食飯，佢話知我最喜歡食雲吞麵，商場內有間豪園麵家，雲吞麵和炸子雞好好食。餐廳地方整潔，座位舒適。金牌炸子雞半隻：即叫即炸，皮脆肉嫩，點些准鹽令味道提升，十分美味！值得推介！還要有湯和飯送，今天的湯是甘筍唐排大白菜湯，夠火喉，好好飲！鮮蝦雲吞麵：真的好好味，麵好爽，湯底鮮味，雲吞皮薄饀料足，完隻鮮蝦好彈牙，值得一試。銀芽肉絲炒麵:麵煎炸得卜卜脆，夠鑊氣，材料有肉絲、菇菌、韮王、銀芽等，打返個玻璃獻汁甚惹味！紅豆冰：紅豆林甜，奶味香濃，配埋隻懷舊杯，有回到我小時候飲紅豆冰的年代feel。不過當年枝飲管就冇甘靚!