小曼谷泰國美食站

營業中

休息中

咁黎開銅鑼灣shopping，search到有間叫小曼谷既餐廳，因為都想食泰國菜，所以黎試下。我地都幾早黎食晚餐，所以人唔多。間餐廳都幾新下。餐廳角落頭有個空間係度，寫住live music，開頭其實無乜留意，直到食飯到一半，竟然有人黎唱live，先知道有個咁既位。btw,雖然我唔清楚個歌手係邊個，但真係唱得好好聽，成件事即係變左好高級，餐廳都好重本。我地都叫左好多野食。2個肉、1海鮮、一個麵、菜同埋飲品。同呢個朋友食餐飯，有羊架佢都一定order。呢間既肉真心好高質，個羊架烤得好多汁，好嫩滑，唔使點咬，呢個推介。我地都非常鍾意佢個串燒，咁我地叫左雞腎、牛舌、同埋墨魚鬚串。個雞腎真係好好味，好想自己叫一串，個牛舌都唔錯，我唔食墨魚，試左一下，都唔錯，朋友就話好好味。重點係佢個醬汁，呢間餐廳調既醬汁好出色，希望佢地可以keep住。個大蜆都好嫩，佢本身調味唔多，齋食有啲驚清淡，咁有醬汁跟碟既，點埋醬汁酸酸辣辣，岩岩好個金邊粉都好味，佢個蝦應該真係鮮蝦，唔膠，同埋唔梅。食曬泰菜一定叫馬拉盞通菜😋，呢間炒得無咁冧，比較爽口，同埋唔太咸，所以都幾fresh。椰青呢啲，基本野。呢間餐廳一定返兜。