和氣食堂 (河畔花園)

營業中

休息中

今日下午經過河畔花園呢頭，順便睇下呢度有咩高人氣餐廳，最後揾到呢三間比較高人氣既餐廳，有叉燒大王、九份十分同和氣食堂，最後揀咗和氣食堂 🍣下午茶都有幾多選擇有便當有定食，價錢豐儉由人，最後叫咗和氣壽司定食。和氣壽司定食 ($118) : 有烏冬、炸雞、壽司 ; 烏冬口感唔錯幾煙韌，而且重跟木耳絲、粟米、鳴門卷等配料 ; 炸雞熱辣辣，不過炸得較為乾身咗少少 ; 壽司方面真係唔錯，難怪都幾高人氣，壽司飯係人手握既，唔似機整出嚟咁硬，三文魚、油甘魚都係厚切 😍 油香滿溢 🤤 海鰻亦好鮮甜 ; 加上重唔收加一添，揾機會晚上再嚟食，CP 值唔錯既小店。